admin
ಬೆಂಗಳೂರು: ನಟ ಪುನೀತ್ ರಾಜ್ಕುಮಾರ್ ಅಂದರೆ ಸಾಕು ಸಂಪೂರ್ಣ ಕರ್ನಾಟಕವೇ ಭಾವುಕವಾಗುತ್ತೆ. ಪುನೀತ್ರಾಜ್ಕುಮಾರ್ರನ್ನು ಕಳೆದುಕೊಂಡ ಕರುನಾಡು ಇಂದಿಗೂ ಆ ದುಃಖವನ್ನು ಮರೆಯಲಾಗದೇ ಸ್ತಬ್ಧವಾಗಿದೆ. ಪುನೀತ್ ರಾಜ್ಕುಮಾರ್ರ ಕನಸಿನ ಕೂಸು ಗಂಧದ ಗುಡಿ ಎಂಬ ಪ್ರಾಜೆಕ್ಟ್ ಬೆಳ್ಳಿ ತೆರೆ ಮೇಲೆ ಅದ್ಧೂರಿ ಪ್ರದರ್ಶನ ಕಾಣುತ್ತಿದೆ. ಅಕ್ಟೋಬರ್ 28ರಂದು ತೆರೆಕಂಡ ಈ ಸಾಕ್ಷ್ಯಚಿತ್ರವು ಕರುನಾಡಿನ ಮನಸ್ಸನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿದೆ. ಇದು ನಾಡಿನ ಅರಣ್ಯ ಸಂಪತ್ತನ್ನು ಸಂಭ್ರಮಿಸುವ ಒಂದು ಡಾಕ್ಯೂಮೆಂಟರಿಯಾಗಿರುವ ಹಿನ್ನೆಲೆಯಲ್ಲಿ ಮಕ್ಕಳು ವೃದ್ಧರೆನ್ನದೇ ಎಲ್ಲರಿಗೂ ಇಷ್ಟವಾಗುತ್ತೆ. ಈ ಸಿನಿಮಾ ಮಕ್ಕಳಿಗೆ ನೋಡಲು ಅನುಕೂಲವಾಗಬೇಕು ಎನ್ನುವ ನಿಟ್ಟಿನಲ್ಲಿ ಪಿಆರ್ಕೆ ಪ್ರಾಡಕ್ಷನ್ನಿಂದ ಮಹತ್ವದ ಮಾಹಿತಿಯೊಂದು ಹೊರ ಬಿದ್ದಿದೆ.
ಗಂಧದ ಗುಡಿ ಸಾಕ್ಷ್ಯಚಿತ್ರ ಮಕ್ಕಳಿಗೂ ತಲುಪಬೇಕು ಎಂಬ ನಿಟ್ಟಿನಲ್ಲಿ ಪಿಆರ್ಕೆ ಪ್ರಾಡಕ್ಷನ್ ಸಿನಿಮಾ ವಿತರಕರು ಹಾಗೂ ಪ್ರದರ್ಶಕರ ಜೊತೆ ಸಮಾಲೋಚನೆ ನಡೆಸಿ ನಾಲ್ಕು ದಿನಗಳ ಕಾಲ ಸಿಂಗಲ್ ಸಿಂಗಲ್ ಸ್ಕ್ರೀನ್ ಥಿಯೇಟರ್ಗಳಲ್ಲಿ 56 ರೂಪಾಯಿಗಳಿಗೆ ಹಾಗೂ ಮಲ್ಟಿಪ್ಲೆಕ್ಸ್ಗಳಲ್ಲಿ 112 ರೂಪಾಯಿಗಳಿಗೆ ಕರ್ನಾಟಕ ರಾಜ್ಯಾದ್ಯಂತ ದಿನದ ಎಲ್ಲಾ ಆಟಗಳು ಪ್ರದರ್ಶನ ಮಾಡಲು ನಿರ್ಧರಿಸಿದೆ. ಈ ಬಗ್ಗೆ ಸ್ವತಃ ಅಶ್ವಿನಿ ಪುನೀತ್ ರಾಜ್ಕುಮಾರ್ ಅಧಿಕೃತ ಮಾಹಿತಿ ನೀಡಿದ್ದಾರೆ.
