ಕೊರೋನಾ ಲಸಿಕೆ ಪಡೆದವರಿಗೆ ಈ ರೆಸ್ಟೋರೆಂಟ್ ನಲ್ಲಿ ಬಿಲ್ ಪಾವತಿಯಲ್ಲಿ ಸಿಗುತ್ತೆ ಭಾರಿ ರಿಯಾಯಿತಿ!

ದುಬೈ: ಕೊರೊನಾ ಲಸಿಕೆ ಸ್ವೀಕರಿಸೋದನ್ನ ಉತ್ತೇಜಿಸುವ ಸಲುವಾಗಿ ದುಬೈನ ರೆಸ್ಟೋರೆಂಟ್​ಗಳಲ್ಲಿ ಕೊರೊನಾ ಲಸಿಕೆ ಪಡೆದ ಜನತೆಗೆ ರಿಯಾಯಿತಿ ನೀಡುತ್ತಿವೆ.

10 ಮಿಲಿಯನ್​ ಜನಸಂಖ್ಯೆ ಹೊಂದಿರುವ ಯುನೈಟೆಡ್​ ಅರಬ್​ ಎಮಿರೇಟ್ಸ್ ಈಗಾಗಲೇ 2.5 ಮಿಲಿಯನ್​ ಜನರಿಗೆ ಕೊರೊನಾ ಲಸಿಕೆ ನೀಡಿದೆ.

READ ALSO

ಈ ಮೂಲಕ ಇಸ್ರೆಲ್​ ಬಳಿಕ ಅತಿ ಹೆಚ್ಚು ಲಸಿಕೆ ನೀಡಿದ ರಾಷ್ಟ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಪ್ರೀತಿಯನ್ನ ಹಂಚಿ ಕಣ್ಣೀರನ್ನಲ್ಲ ಎಂದು ಹೇಳಿದ ಗೇಟ್ಸ್​ ಹಾಸ್ಪಿಟಾಲಿಟಿ ತನ್ನ ಮೂರು ರೆಸ್ಟಾರೆಂಟ್​ಗಳಲ್ಲಿ ಕೊರೊನಾ ಲಸಿಕೆ ಪಡೆದವರಿಗೆ ಬಿಲ್​​ನಲ್ಲಿ ರಿಯಾಯಿತಿಯನ್ನ ನೀಡುತ್ತಿದೆ. ಮೊದಲ ಡೋಸ್​ ಪಡೆದವರಿಗೆ 10 ಪ್ರತಿಶತ ಹಾಗೂ ಎರಡು ಡೋಸ್​ಗಳನ್ನ ಪೂರ್ಣಗೊಳಿಸಿದವರಿಗೆ 20 ಪ್ರತಿಶತ ರಿಯಾಯಿತಿ ಸಿಗಲಿದೆ.

ಕೊರೊನಾ ಲಸಿಕೆ ಪಡೆದ ಸಂಬಂಧ ವೈದ್ಯಕೀಯ ಪ್ರಮಾಣ ಪತ್ರಗಳನ್ನ ತೋರಿಸಿದ್ರೆ ರೆಸ್ಟಾರೆಂಟ್​ಗಳಲ್ಲಿ ಈ ರಿಯಾಯಿತಿ ಸಿಗಲಿದೆ.