![](https://kalanirnayanews.com/wp-content/uploads/2021/02/1613738909704-compressed-1.jpg)
ಕೊಡಗು: ಕೊಡಗು, ಹಾಸನ ಜಿಲ್ಲೆಗಳ ಕೆಲ ಭಾಗಗಳಲ್ಲಿ ಇಂದು ಆಲಿಕಲ್ಲುಸಹಿತ ಭಾರಿ ಮಳೆಯಾಗಿದೆ.
![](https://103.180.45.14/kalanirnaya1/wp-content/uploads/2021/02/1613738917635-compressed-1.jpg)
ಕೊಡಗಿನ ಶನಿವಾರ ಸಂತೆ, ಸೋಮವಾರಪೇಟೆ ಹಾಗೂ ಹಾಸನದ ಅರಕಲಗೂಡಿನ ಹಲವೆಡೆ ಇಂದು ಆಲಿಕಲ್ಲುಸಹಿತ ಮಳೆ ಅಬ್ಬರಿಸಿದೆ.
![](https://kalanirnayanews.com/wp-content/uploads/2021/02/IMG-20210219-WA0050-512x1024.jpg)
ಮಂಜಿನ ಮಳೆಯಂತೆ ಗೋಲಿ ಗಾತ್ರದ ರಾಶಿ ರಾಶಿ ಆಲಿಕಲ್ಲುಗಳು ಬಿದ್ದಿವೆ.
ಶನಿವಾರಸಂತೆ, ಸೋಮವಾರಪೇಟೆಯ ಅಂಕನಹಳ್ಳಿ, ನಿಡ್ತ, ಮೆಣಸ ಗ್ರಾಮಗಳಲ್ಲಿ ಬೆಳ್ಮುಗಿಲೇ ಧರೆಗೆ ಚಾಚಿದಂತೆ ಆಲಿಕಲ್ಲು ಸುರಿದಿದೆ.
![](https://103.180.45.14/kalanirnaya1/wp-content/uploads/2021/02/IMG-20210219-WA0052-1.jpg)
ಮಧ್ಯಾಹ್ನದ ವೇಳೆ ಆರಂಭವಾದ ಆಲಿಕಲ್ಲು ಮಳೆ, ಸುಮಾರು ಅರ್ಧ ಗಂಟೆಗಳ ಕಾಲ ಸುರಿದಿದ್ದರಿಂದ ರಸ್ತೆಯೆಲ್ಲಾ ಬಿಳಿಯಾಗಿ ಗೋಚರಿಸಿತು.
ಆಲಿಕಲ್ಲುಸಹಿತ ಮಳೆಯಿಂದಾಗಿ ಕಾಳುಮೆಣಸು, ಕಾಫಿ ಬೆಳೆಗಳಿಗೆ ಹಾನಿಯಾಗುವ ಸಾಧ್ಯತೆಯಿದ್ದು, ರೈತರು ಕಂಗಾಲಾಗುವಂತೆ ಮಾಡಿದೆ.